КРнын өкмөтүнүн алдындагы Дене тарбия жана спорт агенттигинин жетекчиси алмашты. 19-январда премьер-министр Өмүрбек Бабановдун жарлыгы менен Үмбеталы Кыдыралиев кызматтан алынып, ордуна Байгазы Кенжебаев дайындалды. Жаңы жетекчи тууралуу айтсак, ал 1975-жылы 25-октябрда Таласта төрөлгөн. Эмгек жолун Бишкектеги РСДЮШОРдо (Республикалык спорттук балдар жана өспүрүмдөрдүн олимпиадалык резерв мектеби) машыктыруучулук менен баштап, 2010-жылдын апрелинде аталган агенттиктин директорунун орун басарлык кызматына дайындалган. Байкап көрсөк, бул орунда жыл сайын жетекчи алмашууда, бирок кыргыз спортунда өнүгүү жок. Деги качан математика эрежеси бузулуп, орун алмашуудан жыйынтык чыгар экен?