Ашкабактын дарылык касиеттери

Дене күнгө күйүп калганда колдонулуучу элдик медицинада эң жөнөкөй ыкма бар. Ал – күйгөн жерди ашкабак менен айыктыруу.
Ашкабакты сүр­гүч­төн өткөзүп, алынган боткону дененин күйгөн жерине жабуу керек. Ботко кургап кетпөө үчүн үстүнөн марляны көп кабаттап жабуу зарыл. Мындай компрессти бир жолу жасагандан кийин эле жеңил­дөө сезилет.

ПРОСТАТИТТЕН АЙЫККЫҢ КЕЛСЕ, АШКАБАКТЫН ДАНЫН ЖЕ!
Элдик медицинадагы эң жакшы каражат болуп ашкабактын даны эсептелет. Анткени, ашкабактын данында төрөлгөндөн улгайганга чейин эркек үчүн эң зарыл болгон цинк бар. Ошондуктан, эркектин урук чыктагыч безинин оору­су менен аденома (зыянсыз шишик) оору­­­­­­­­­­сунда 3 маал тамак алдында 20дан кем эмес ашкабак данын жеш керектелет. Улгайган адам­дардын ичин­де да ашкабак данын жеп, чоң өлчөм­дөгү шишиктен кутулгандар тууралуу маалымат бар.

ЧИРКЕЙ, ААРЫ... ЧАККАНДА ЭМНЕ КЫЛУУ КЕРЕК?

• Чаккан жерге муздак басуу ооруну басаңдатат.
• Ооруган жерди бир күндө бир нече ирет кесилген пияз менен сүртүү кажет.
• Сарымсакты сүргүчтөн өткөзүп, ширесин сыгып алуу зарыл. Анан кебезди ширеге улам нымдоо менен чаккан жерди сүртүү керектелет.