10 жыл! 2002-жылы 31-майда негизделген «Супер-Инфо» 10 жыл аралыкта маалыматтык-маанайшат гезитке айланып, ак-карадан түстүү өңгө өтүп, улам кызыктуу жаңы рубрикалар, беттер кошулуп кеңейди. Маалыматка улам байып, окурманы көбөйдү. Аз сандуу нускадан 100 миң нускага көтөрүлүү – «Супер-Инфонун» чыныгы жетишкендиги!
10 жыл! Бул мезгил бүктөмүндө "суперчилердин" талыкпаган эмгеги, изденүүсү, өз кесибин сүйгөндүгү, мезгилдин жана окурмандын тамырын тарта билүүсү жатат!
10 жыл! Бул мезгилде окурман менен гезит жамаатынын тыгыз байланышы, окурмандын талабын эске алуу жатат. Демек, мына ушундай ийгиликте, окурман, сиздин да салымыңыз бар!

«СУПЕР-ИНФОНУ» ОКУП, СУПЕР УТУШТАРГА ЭЭ БОЛ!

"Укпадым, окубай калдым" дебегиле!
Окурман журту, сиздер үчүн кубанычтуу кабар! «Супер-Инфо» 10 жылдыгына карата "Жеңүүчү бол!" супер оюн-акциясын өткөрө баштады.
Сынакка Кыргызстандын булуң-бурчунда жашаган ар бир окурман катышууга укуктуу. Бул аптадагы сынакка Бишкек жана Ош шаарларында жашаган окурмандар гана катыша алышат. "А биз качан катышабыз?" дейсизби? Шашпаңыз, сынакка катышуу кезеги сиз жашаган аймакка да жетет. Ар бир сан сайын катышуу укугу тээ алыскы Лейлек районунан көлдүн Тоңуна же Түп районуна, айтор, ушундай ыраатта көчүп жүрүп отурат. Башкача айтканда, сынак аймактар арасында этап боюнча өтөт. Андыктан гезитти окуп, өз кезегиңизди күтүңүз. Жеңүүчү катта белгиленген убакытка суроолорго так жана туура жооп бергенине карата аныкталат.
Бул аптанын байгеси – 2 чаң соргуч! Чаң соргучтун бири Ош, бири Бишкек шаарынын тургунуна ыйгарылмакчы. Кана эмесе, Бишкек жана
Ош шаарларындагы окурмандар, чамдаңыздар!

СЫНАКТЫН ШАРТТАРЫ:

• Купондогу суроолорго жооп жазып, почта аркылуу бизге жөнөтүңүз.
• Купон менен кошо сапаттуу сүрөтүңүздү сөзсүз салууңуз зарыл.
• Сынакка 17-февралга чейин келген купондор гана катыша алат. Катыңыз бизге бат жетиши үчүн "Экспресс-почта" кызматын пайдалансаңыз болот. Бул кызмат катыңызды 3 күн ичинде бизге жеткирип берет.
• Катка аймактык почта түйүнүнүн штампы сөзсүз басылуусу шарт.
• Жеңүүчүлөр гезит аркылуу жарыяланат, белектерин 31-майга чейин алып кетишсе болот.

Каттар үчүн дарегибиз:
Бишкек ш., Главпочтамт, а/я 2031.