Ырчы Мирлан Баеков өзү кичинекей болгону менен, жашы отуздун кырына келди. Айтайын дегеним, өткөн аптанын жума күнү Мирлан 30 жашын белгилеп, кафеде достору менен отуруш уюштурду. “Чындыгында, мен билген деле эмесмин. Досторду чакырабыз деп келинчегим Созул айтканда макул деп койгом. “Жоролор” тобундагы балдарды эле чакырабыз го деп ойлогом. Көрсө, келинчегим 30 жашка деп 30 кишилик дасторкон жайып коюптур”,- дейт жарына ыраазы болгон ырчы.