Телеалпаруучу Жанар Акаев бизге берген интервьюсунда “бир-эки кызга көз салып жүрөм. 2-3 айда үйлөнсөм керек” деген. Азыр Жанар көз салган кыздарынын ичинен бирөөнү сууруп чыгып, ал кызга май айында баш кошом деп кудуңдап турган чагы. Ал тууралуу: “Сүйлөшкөн кызымдын аты – Жыргал. 21 жашта. Буюрса, май айында Бишкекке 10 күнгө барып, той өткөрүп үйлөнүп, анан кайра эле Прагага чогуу келебиз”,- дейт. "Супер-Инфонун" тандоосу боюнча “2010, 2011-жылдардын супер телеалпаруучусу” өзү айткандай, ат араба менен шаар аралап Бакыт үйүнө бара турган күнүнө камданып жатыптыр.