Белгилүү режиссёр Нурбек Эген «Ээнсиреген үй»(«Пустой дом») деген аталышта тасма тартып, жакында экранга чыгармакчы. Тасманын саундтрегин ырчы Каныкей ырдап, клип-трейлер да тартылып бүтүптүр, «Адаштым» деген аталышта. «Атактуу режиссёр менен иштешүү – мен үчүн сыймык» деп Каныкей кудуңдап жүрөт. Ошондой эле ал 19-март күнү «Түрксой» уюмунун Ноорузга карата уюштурган фестивалына Кыргызстандын атынан баратканын билдирди. Эки жумага созулган фестивалда жыйырма чакты Азия элдеринин өкүлдөрү Түркиянын шаарларын кыдырып, өз таланттарын көрсөтүп келишет.