Ырчы, шоумен Микаэлдин киши колдуу болуп көз жумганына 1-апрелде 2 жыл болот. Бирок ырчынын өлүмүнө байланыштуу кылмыш ишин иликтөө бүгүнкү күнгө чейин уланып, ким күнөөлүү экени такталбай келет. Ырчынын өлүмүнө шектүү катары кармалып, айыпталган Эркин Турусбеков акталды. Эсиңизде болсо, Эркин ден соолугуна байланыштуу үй камагына чыгарылган эле.
Бул боюнча Эркиндин апасы Нуржамал Рыскулова: “Менин балам бул кылмышты кылбагандыгы аныкталып, акталып, азыр үйдө, иштеп жатат. Милиция кызматкерлери күчкө салып, уруп эле күнөөнү моюнуна алдырып коюшкан. Ошол эле милициялар канча деген күнөөсүз балдарды түрмөгө камап жатышат? Бизди Кудай колдоду. Микаэлдин туугандары болбой эле Эркинди күнөөлөп жатышканын мен түшүнбөй турам”,- дейт. Ал эми Микаэлдин эжеси Аида Аземова: “Мен cоттун чечимине макул эмесмин, кайра арыз менен кайрылганы жатам”,- деп билдирди.

star@super.kg