Учурда вегетариандар шок абалында жүргөн маалы. Анткени Бүткүл дүйнөлүк саламаттыкты сактоо ассоциациясы (БСА) гумандуулук жана сергек жашоо үчүн принциби менен жашаган вегетариандарды психикалык жактан оорулуулар деп тапты. Бул, албетте, вегетариандар арасында нааразычылыктарды жаратты. БСАга дүйнөнүн 4 бурчунан каттар жабылып келип, анда этсиз тамактардын пайдасы тууралуу айтылат. Негизи, вегетариандар: “Биз, жумшак айтканда, көрө албастыктын курмандыгы болуп жатабыз. Бизге “кантип эле эт жебей ийгиликтүү жашап жүрүшөт?” деп таң калышат “жырткыч” адамдар”,- дешет. Алардын пикиринде, алар эмес, а эт жеген адамдар – психикалык жактан жабыркагандар.
БАСтын талкуу жараткан жыйынтык чыгаруусу да жөн жерден болгон жок. Жакында Испаниянын Малага шаарында ушуга байланыштуу трагедиялуу окуя катталган. Ата-эне балдарына эт менен азыктанууга жана бышырылган тамактарды кабыл алууга тыюу салып, аларды кома абалына жеткирген. Жыйынтыгында ал үй-бүлөнүн балдары реанимацияга, ата-эне психикалык ооруканага жеткирилген.
“Десертке” атактуу вегетариандардын тизмесин сунуштайбыз: саясатчылар: Авраам Линкольн, Адольф Гитлер, Бил Клинтон; ырчылар: Пол Маккартни, Мадонна, Лайма Вайкуле; актёрлор: Ричард Гир, Алек Болдуин, Жим Керри, Брэд Питт, Памела Андерсон; спортчулар: Вишванатан Ананд, Майк Тайсон; окумуштуулар: Леонардо да Винчи, Альберт Эйнштейн жана бизнесмен: Стив Жобс.