Ырас, ырчы болгон соң алардын арасында ачыкпы, көмүскөбү, айтор, атаандаштык бар. Ошондуктан бүгүн Орусиянын жана өзүбүздүн популярдуу ырчыларды салыштырып көрүүнү чечтик. Ырчылар тууралуу келтирилген мисалдардан соң кимиси мыкты экенин өзүңүздөр баамдап көрүңүздөр.

НЕЛЯ

Билими
Нелянын жогорку билими бар. Бирок ырчылык жаатында эмес. 0

Мүнөзү
Неля абдан назик, созолонгон айым. +1

Жеке жашоодо

• Неля популярдуу ырчы Урмат Усеновдун жубайы. +2
• Нурэл жана Жазель аттуу уул-кыздын энеси. +2
• Неля алгач Мерседес үлгүсүндөгү темир аргымак айдаган. +2
• Ырчылыктан тышкары өнөрүн эл көрө элек. 0
• Ал ырчылык менен катар учурда балдары менен үйдө. 0
• Неляга Урмат грек стилинде жасалгаланган үй салып тартуулады. +1

Мектепте
Неля «мектепте өтө тентек, эрке кыз болгом» дейт. 0

Чыгармачылыкта

• Неля Кыргызстандын атынан “Түркчөвизион” сынагына катышып келген. +1
• “Супер-Инфонун” версиясы боюнча “2006, 2008-жылдардын супер ырчы айымы” наамынын ээси. +2
• Неля сахнада бурала чыгыш бийин бийлеп, көрөрмандардын көңүлүн өзүнө бура алат. +1

БАКТЫГҮЛ БАДЫЕВА

Мектепте
Ал эми Бактыгүл апасынын жеңилин жерден, оорун колдон алып, базарда дарбыз сатып иштегенин эскерет. Андыктан Бактыгүлгө +1

Билими
Бактыгүл 2008-жылы Улуттук консерваторияга тапшыргандыгын кабарлаган. Окуусун бүткөн-бүтпөгөндүгүн маалымдай элек. 0

Мүнөзү
Бактыгүл – ачык-айрым, баарын бетке айткан бийкеч. +1

Жеке жашоодо

• Бактыгүл учурунда популярдуу ырчы Урмат Усенов менен кыз-жигит болгон. +1
• Учурда бойдок, “мен кыялымдагы ханзаадага жолуктум, бактылуумун” дейт. +1
• Бактыгүлдүн алгачкы темир тулпары Гольф үлгүсүндө болгон. +1
• Бактыгүл өзүн дизайнер-модельер катары сынап, кийимдер коллекциясын элге тартуулап, айрым жылдыздарды кийинтүүдө. +1
• Ырчылык менен катар сулуулук борборун ачып, өзүн бизнес жаатында сынап көрүүдө. +1
• Бул айым сахна босогосун аттагандан көп өтпөй эле баш калаадан 2 бөлмөлүү үй алып, кийинчерээк шаар четинен чоң үй салууга киришкен. +2

Чыгармачылыкта

• Эл аралык сынактарга катыша элек. 0
• “Супер-Инфонун” версиясы боюнча “2007-жылдын супер ырчы айымы” наамынын ээси. +1
• Бактыгүл да бий ийримине катышып жатканын айтып чыкканы бар. Бирок жыйынтыгын элге тартуулай элек. 0

Айбек Нурадилов
star@super.kg

ТИМАТИ

Билими

• Тиматиге ата-энеси шарт түзүп берсе да, күнүмдүк көңүл ачууга азгырылып, окуусун таштап койгон. Жогорку билими жок. 0

Чыгармачылыкта

• Тимати 15 жашында “VIP 77” тобун түзөт. Ал топ бат эле чачырап кеткен. +1
• Тимати дүйнө жылдыздары Снуп Дог, Баста Раймс, Пафф Дэдди, Эксзибит, Марио Уайнанс, Фет Жо, Крейг Дэвид сыяктуу жылдыздар менен иштешкенге жетишкен. +2
• Тимати 3 ыр жыйнак чыгарган. +1

Сүйүү романы

• Кичинесинен кыз жандуу. Ырчы Алекса, телеалпаруучу Ксения Собчак, 2009-жылдагы «Орусиянын сулуусу» Софья Рудьева, 2006-жылкы «Украинанын сулуусу» Инна Цимбалюк жана башка кыздар менен сүйүү романдары болгон. +2

Наамдары

• 2010-жылы «Труд» гезитинин версиясы боюнча «Эң чырайлуу мырза» наамына ээ болгон. + 1
• 2007-жылы мыкты клубдук персонаж катары “Night Life Awards” сыйлыгын алган. + 1

Байлыгы

• “Black Star october” рестораны, “Black Star october bar” бары, “Black Star by TIMATI” кийимдер бренди, “Black Star club” клубу жана башка. + 1
• Тиматинин жылдык кирешеси 1,5 миллион доллардын тегерегинде (“Форбс”). + 1
• Тиматинин гонорары 15 миң еврого чейин. + 1

ДИМА БИЛАН

Наамдары

• Дима Билан Кабардин-Балкариянын, Чечен Республикасынын, Ингушетиянын Эмгек сиңирген артисти, Кабардин-Балкариянын Эл артисти. +2

2006-2009-жылдары “Glamour” журналынын версиясы менен “Жылдын мырзасы” аталган. +1

Байлыгы

• Дима Биландын чыгармачылыктан тапкан бир жылдык кирешеси 4 миллион 3 жүз миң долларды түзөт (“Форбс”). +1
• Диманын гонорары 50 миң еврого чейин. +2

Билими

• Дима Билан Гнесиных атындагы Мамлекеттик музыкалык училищеде, ГИТИСте окуган. +1

Чыгармачылыкта

• Дима Билан 18 жашында “Чунга-Чанга” фестивалына катышып, Иосиф Кобзондун колунан диплом алган. +1
• “Евровидение” сынагында Орусиянын намысын эки жолу коргогон: 2006-жылы экинчи орунду алса, 2008-жылы биринчиликти жеңип алып, Орусиянын тарыхында алгачкы жолу сынактын жеңүүчүсү аталган. +2
• Диманын 6 ыр жыйнагы бар. +2

Сүйүү романы

• Дима моделдер Лена Кулецкая, Юлиана Крылова жана Оксана Трунова өңдүү сулуулар менен сүйүү мамиледе болгон. +1

Перизат Музуратбекова
star@super.kg