– Алиса, куш келипсиң. Мына, бул меш сенин байгең!
– Чоң рахмат! Аябай сүйүнүп турам. Үйдө электр мешим жок болчу. Жолдошум борборго келген сайын “ала барайынбы?” десе, “сен мен каалагандай мешти тандай албайсың, өзүм тандайм” деп койчумун.

– Биздин меш жактыбы?
– Кантип жакпасын?! Менин оюмдагыдай меш экен. “Супер-Инфонун” тамак-аштардын рецепттери чыккан санын өзүнчө бөлүп сактап койчумун. Мен эле эмес, айылдагы келиндердин баары “Дасторкон” рубрикаңыздарды сүйүп окуп, конок тоскондо ошол рецепттерди колдонуп келебиз. Буюрса, үйгө жетерим менен буга даам жасап, жакындарыма байгемди майлап берем деп турам.

– Утканыңды кимден уктуң?
– 10 жылдыкка арналган бетти толук эле окуп чыккандай болгом. Бирок фамилиямды окубаптырмын. Кечке жуук бир таанышым чалып куттуктады. Алдап жатат го деп ишенген эмесмин. Кийин карасам, чын эле фамилиям жүрөт. Анан үйдөгүлөргө сүйүнчүлөдүм. Өзгөчө кайненем аябай сүйүндү. Анткени ал “таза гезитти отко жакпагыла” деп дайыма жыйнап жүрөр эле. Мындан ары да биз кадырлап, сүйүп окуган гезит болуп жүрө берсин.

Дамира Арстанова
koom@super.kg