"ЕВРО-2012НИ" 2 ТЕЛЕКАНАЛ КӨРСӨТӨТ...

• "Евро-2012ни" күтүп жаткан футбол сүйүүчүлөрүнө сүйүнчү! 8-июнда старт алуучу Европа чемпиондугун КТРК жана НТС каналдары түз алып берери маалым болду.
• КТРК менен "Казына" сайтынын кубогу үчүн өткөн стол тенниси боюнча ММК кызматкерлери арасында өткөн мелдеште 1-орунду Кыргыз радиосунун кабарчысы Жаныбек Эсеналиев утуп алды. 2-орунду Медербек Чыныбаев (А.Жумакматов атындагы академиялык симфониялык оркестрдин скрипкачысы), 3-орунду КТРКнын спорт баяндамачысы Кубан Атабеков ээледи.
• 2-июнда Бишкектеги Кожомкул атындагы Спорт Ордосу дагы шаңдын алдында калат. Бул күнү вале-тудо боюнча Кыргызстан жана Казакстандын тандалма 10дон мушкери 10 салмак категориясында күч сынашат. Көптөн бери көрүнбөй кеткен Кобра, Монгол, Кылыч лакап аттуу мушкерлерибизди ушул жерден көрө алабыз. Өткөрүп жибербеңиз!

Максат Кудайбердиев
sport@super.kg