Керектелүүчү азыктар:
Кайнатылган тоок эти – 200 грамм
Бадыраң – 2 даана
Жумуртка – 1 даана
Соя соусу – 2 аш кашык
Зайтун (же башка өсүмдүк)
майы – 2 аш кашык
Сарымсак – 2 тишче
Уксус кислотасы (6%) – 1 чай кашык
Күнжүт данектери, салат жалбырактары, аш көк, туз, мурч

1. Жуулган бадыраңды жана бышкан тоок этин жука, узун кылып туурап алабыз.

2. Эми жумуртканы чегип, ага туз жана тууралган аш көктү аралаштырып, кызытылган көмөчкө куймак жасоо керек. Даяр болгон куймакты узунунан туурап, бадыраң менен тоок этине кошуп аралаштырабыз.

3. Чык даярдоо. Идишке зайтун (же башка өсүмдүк) майын, соя соусун, уксус кислотасын, туз, мурч, майда тууралган аш көк жана жанчылган сарымсакты аралаштыруу абзел.

4. Жуулган салат жалбырактарын тарелкага төшөп, ага тууралган азыктарды салабыз. Үстүнө чык куюлуп, күнжүт данекчелери себилет. Тоок этинен салатыбыз даяр.

Салтанат Мукасова
kenesh@super.kg