12-июнда Бишкек шаарында А.Малдыбаев атындагы Кыргыз улуттук опера жана балет теа­трында хореографиялык окуу жайлардын арасында “Ак куу-2012” деген аталышта Эл аралык бий сынагы старт алды. Театрдын режиссёр-балетмейстери Кубанычбек Сыдыковдун айтымында, сынакка Казакстан, Кыргызстан, Латвия, Орусия, Түркия жана Өзбекстандан келген 8 жаштан 16 жашка чейинки таланттуу өс­пү­рүмдөр катышышмакчы.
Сынактын максаты – башка өлкөлөр менен болгон маданий байланышты чыңдоо. Жыйынтык боюнча жеңүүчүгө Б.Бей­шеналиева атындагы баш байге жана 6 сыйлуу орунга байгелер берилмекчи. Сынак 15-июнда жыйынтыкталат.