Ушул жылдын 31-мартында Казакстандын Караганда шаарында өткөн эрежесиз эр уруш мелдешинин M-1 mix fight түрү боюнча өткөн Эл аралык чемпиондукта Ош облусунун жаш спорт чебери Мелисбек Абдырахманов алтын медалдын ээси болуп кайтты. Мелисбек Ноокат районунун Ак-Чабуу айылында 1987-жылы туулган. Буга чейин да бир топ ийгиликтерди жаратып келген Мелисбек 2009-жылы Бишкек шаарында өткөн Эл аралык мелдеште күмүш медаль, 2011-жылы 7-апрелде Кыргызстан чемпиондугуна катышып алтын медалдардын ээси болгонун чоң сыймыгым деп билет. “Ушундай бийиктикке чыгып баратканыма чоң салымын кошуп келген машыктыруучум Нурлан Нурановго жана демөөрчүм “Ош Электр” ААКсынын жетекчиси Тилек Жолдубай уулуна ыраазычылыгымды билдирем”,- дейт мушкер. Мелисбек мындан ары да чоң-чоң ийгиликтерди багынтып, кыргыздын желегин далай өлкөлөрдө желбиретет деген ишенич менен ага ийгиликтерди каалайбыз.