Буга чейин гезитибизге Атай Өмүрзаков жетекчилик кылган “Тумар КР” бий тобу “Украина таланттарга бай” аттуу сынакка катышып, финалга өткөндүгү тууралуу жазганбыз. Атай окуучуларына ишенип, “мен бийди таштадым, мындан ары менин ордумду баса турган окуучуларды тарбиялайм” деп көрөгөчтүк менен айтыптыр. Оозуна сала бергендей, окуучулары жогоруда айтылган сынактын 2-июнда болуп өткөн финалында 3-орунду ээлешти. Албетте, 20 миң катышуучунун арасынан “Тумар КР” бий тобунун суурулуп чыгуусу Атайдын мыкты мугалим экенин жана айткан сөзүнө турарын дагы бир жолу тастыктады.