Кемин районундагы Чым-Коргон психиатрдык ооруканасында учурда 390 оорулуу дарыланууда. Аталган оорукананын башкы врачы Жаныбек Ажибековдун маалыматына караганда, учурда 1 оорулууга 1 күнгө тамак-ашка 41 сом, ал эми дары-дармегине 10 сом бөлүнөт. Албетте, мындай кымындай каражат каржы жетишпестигин айдан ачык көрсөтүп турат. Бул эле эмес, коммуналдык акыларды төлөөгө, канализацияларды тазалоого, унаа кызматына каражаттар да өп-чап бөлүнөт.
2011-жылы ооруканада 1025 адам жатып дарыланып, алардын 1017си дарылануудан кийин үйлөрүнө чыгарылган. Булардын 945и өз каалоолору менен дарылануудан өтүшкөн.