Үстүбүздөгү жылдын 25-майынан тартып жаратылыш ресурстарын жана көлдөгү балыктарды коргоонун эффективдүүлүгүн жогорулатуу максатында Ысык-Көл облусунун ИИБинин жетекчиси Мырзабек Исмаилов демилге көтөрүп чыккан. Анда экология жана техникалык коопсуздук башкармасы менен биргеликте браконьерлерге каршы рейд жүргүзүүнү уюштурушкан. Бир күндүк рейдде 3 чакырымга жакын балык торчосу жана 2 кыймылдаткычы бар кайык табылган. Жыйынтыгында балык торчосун өрттөшүп, кайыкты тиешелүү мекемеге өткөрүп беришти. ИИБинин кызматкерлеринин белгилөөсү боюнча, браконьерлерге каршы күрөшүү мындан ары көлдүн айланасында гана эмес, бардык экосистемалык аймактарда жүргүзүлөт.