18-июнда Эл аралык олимпиадалык комитеттен Бишкекке кубанычтуу кабар келди. Анда мекендешибиз яхтсмен Илья Игнатьевге квоталык орундар боюнча “Лондон-2012” Жайкы Олимпиада оюндарына жолдомо ыйгарылгандыгы айтылат. Эки жылдан бери лицензиялык мелдештерге катышып упай топтоп жүргөн Ильянын эмгегинин акыбети кайтып отурат. Ошентип, Шекспирдин мекенине барчу спортчуларыбыздын саны 11ге жетти. Алар: Данияр Көбөнов, Арсен Эралиев (экөө тең грек-рим күрөшү), Магомед Мусаев (эркин күрөш), Айсулуу Тыныбекова (аялдар күрөшү), Руслан Исмаилов (мылтыктан ок атуу), Юлия Архипова (жеңил атлетика), Абдураим Расул (таэквондо), Чыңгыз Мамедов, Юрий Краковецкий (экөө тең дзюдо), Бекзат Осмоналиев (оор атлетика) жана Илья Игнатьев (парус спорту).
“Лондон-2012” Олимпиадасына жолдомо алган азаматтарыбыз менен эмки сандарыбыздан баштап кененирээк тааныштырып баштайбыз.