Эсиңиздерде болсо, гезитибиздин №477-санында жылдыздар Аяз атага кат жазышкан эле. Ошондо Нурзат Токтосунова Аяз атадан “жаңы жылда үйлүү болгум келет. Мага батир берсең, ичин өзүм эле толтуруп алат элем” деп тамаша иретинде суранган болчу. Нурзаттын тилеги орундалып, өткөн аптада борбор калаанын Туңгуч кичирайонунан бир бөлмөлүү батир сатып алды. “Аяз атага катты чын жүрөгүмдөн суранып жазган элем. Ошол учурда өзүм да кыйналып, батир көзүмдөн учуп турган. Жараткан мага минтип батир белек кылды. Каалооң канчалык күчтүү болсо, ал сөзсүз аткарылат экен. Учурда үйүмдү оңдоп-түзөттүрүп жатам”,- дейт кубанган Нурзат.