«АЙЫЛ СТАТУСУН АЛБАЙБЫЗ, ШААР БОЙДОН КАЛАБЫЗ»
№506 13-июль-19-июль, 2012-ж.
Жумгал районунун Миң-Куш шаарчасынын тургундары Кыргыз Республикасынын Өкмөтүнүн 2012-жылдын 23-мартындагы №198-токтомуна нааразы. Ушул жылдын 28-июнунда район башчысы Адылгазы Исагулов орун басары экөө шаар тургундары менен жолугушкан. Анда шаар тургандары: “Эгерде бизге айыл статусу берилсе, бюджеттик мекемелерге көп кыскартуулар болуу коркунучу күтүлөт жана өкмөт тарабынан берилген гуманитардык жардамдар кескин түрдө кыскарат. Айдоо жерибиз жок. Жайытыбыз 532 гана гектар, деңиз деңгээлинен 2100-2600 бийиктикте турабыз.Тегерегибиз бүт уран калдыктары сакталган кампалар. Радиациялык фон курчалган аймак болгондуктан, азыркы учурда биз, шаарчанын тургундары, айылдык статусту алуудан баш тартабыз”,- деп билдиришти.
0
