Жаш кыздардын көзүн күйгүзгөн ырчы мырзаларыбыздын бири Дайыр Исмадияров 16-июлда туулган күнүн жакын достору менен биргеликте жылаңач белгиледи. Дегенибиз, ал күнү Дайыр 26 жашка чыгып, бул кубанычтуу күндү таң аткыча борборубуздагы бассейндердин биринде, сууда сайрандап өткөрдү. “Ырчы кесиптештерим менен ансыз да көп убакыт өткөрөм. Ал эми жакын досторума көңүл бөлө албай калам. Ошондуктан быйылкы туулган күнүмдө досторум менен болдум”,- дейт ырчы. Анан да туулган күндүн урматына Дайырга Өктөм Сапар уулу “Жар, жар” аттуу ыр белек кылыптыр.