Үй-бүлөдөгү үч муундун тагдыры. Аларга байланышкан окуялар... Көпчүлүктүн бүйүрүн кызыткан “Тагдыр оюну” чыгармасынын 2-бөлүгүн күтүп жаткандар үчүн бул жаңылыгыбыз агымдуу экенине талаш жок. Бул бөлүктө каармандардын тагдыры андан ары да чиеленишип, ойго келбеген окуялар сиздерди таң калтырат. Эгиз жигиттин экөөнүн тең жүрөгүн багынткан Бегимай тагдырынан башка өлкөгө качып кетип кутулам деп ойлогон эле. Бирок өткөнкү сүйүүсүнөн да кийинки махабаты анын өмүр жолунда оор так калтырарын билген эмес. Азирет махабаты үчүн акылга сыйбас иштерге барса да, көз алдында турган чындыкты көрө албайт. Ал Бегимайдын уулуна байланышкан сырдын бир учу өзүндө экенин байкабайт. Эки оттун ортосунда калган Бегимайдын абалы андан да оор. Азирет менен Бегимай өздөрүнүн гана сүйүүсү эле эмес, балдарынын чиеленишкен тагдырларын чечкенге мажбур болушат. Ыйлаткан, кубанткан, жүрөктү толкуткан окуялар биздин гана сериалыбызда. Өткөрүп жибербеңиз, кызыктуусу алдыда.