Соңку мезгилде футбол боюнча улуттук курама коман­далар­­дын эл аралык мел­дештерде көргөзгөн жы­йынтык­та­рына карата ФИФА жаңы рейтингди жарыялады. Кыргызстан өзүнүн “кут­туу” 196-орунунан жылган жок. Ал эми рейтинг башында Испания курама командасы болсо, анын артында Германия жана Португалия курама командалары бар. Кызыгы, алдыңкы ондукка Орусия менен Бразилия кирбей калды. Негизи, бизде футболду өнүктүрүү үчүн ФИФА 12 жылдан бери иш алпарып келет. КРнын Футбол федерациясы билдиргендей, быйыл да аталган уюмдан атайын кишилер келип, футболду өнүктүрүүнү жаштардан баштоо үчүн машыктыруучулар менен талкууларды өткөрүштү.