Чоң-Дөбө айылындагы Тыналы атындагы орто мектеп 37 жыл мурун курулган. Эскилиги жетип, былтыркы жер титирөөдөн кийин бир жак дубалы ооп, жыгачтары ийилип, суу өтүп, кыскасы, жараксыз абалда. Ушул себептен ӨКМ «бул жерде окууга болбойт» деген чечим чыгарып, мектеп жабылган.
«Былтыр да, быйыл да окубай жатабыз. Долбоор быйылкы жылдын планына да кирбей калып, түрткү берилүүчү грантка долбоор жазганбыз. Аныбыз кабыл алынганы менен, каражат келбей жатат. Окуу жылы башталганы турат, биз болсо даяр эмеспиз. ӨКМга кайрылып, быйыл чатырда окуйбуз го. Учурда 250 окуучу бар»,- дейт директор А.Молдалиев.