Көп жолку Олимпиада чемпиону, америкалык суучул Майкл Фелпске “Warner Bros” компаниясы жаңы версияда тартылып жаткан Тарзандын ролун ойноп берүү сунушун киргизүүдө. Учурда сүйлөшүүлөр жүрүп жаткан мезгили экен. Эгер спортчу макул болсо, анда ал өзүнүн атактуу кесиптеши, сууда сүзүү боюнча Олимпиаданын чемпиону Жонни Вайсмюллердин жолун жолдомокчу. Анткени Жонни Тарзандын алгачкы версиясында тартылган. Эске салсак, Фелпс Лондондогу кезектеги жеңишинен кийин спорттук карьерасын жыйынтыктаганын билдирди.