«Айтылуу «Үйдө жалгыз» тасмасындагы кичинекей Кевин аттуу каармандын ролунан улам таанымал болгон 32 жаштагы актёр Маколей Калкиндин жарым жылдык гана өмүрү калды» деп тынчсызданышууда.
«National Enquirer» журналынын билдирүүсүндө, баңгизатынан көз каранды Маколей акыркы бир жарым жылда тынымсыз героин жана ооруну сездирбөөчү каражаттарды колдонуп келген. Мындай жоругунан улам актёрдун чөйрөсүндө күмөн жаратчу адамдар пайда болуп, анын Манхеттендеги батири баңгилердин уясына айланган. Ошондой эле Калкин баңгизатка айына 6 миң доллар сарптап, дарттан айыгууга кымындай каалоосу жок экенин жазышкан.
Актёрдун досторунун бири буга кабатырланып: «Маколей мындан бир нече ай мурун баңгизатты өлчөмүнөн ашыкча колдонуп алганы үчүн бир өлүмдөн аман калды. Ал героин, перкосет жана викодин колдонот. Анын жүрөгү мындай оор жүктү көтөрө албай калабы деп коркуудабыз. Дарыгерлер эгер күчтүү режимде дарыланбаса 6 айдын ичинде каза болуп калары мүмкүн экенин айтып жатышат»,- дейт.
Учурда актёр 170 сантиметр бою менен 47 килограмм салмакта. Анын түнт жашоо образы да жогорудагы күмөн туудурган суроолордун чындыкка жакындыгын далилдейт. Калкин акыркы жылдарда баңгизаттын айынан көз жумган Уитни Хьюстон, Эми Уайнхаустун тагдырын кайталабайт дей туралы.