Орусиянын КВН Жогорку Лигасынын концертин Александр Масляков Бишкекте өткөрмөкчү. Бул тууралуу "Азия Микс» КВН Лигасынын президенти Нурлан Анарбаев билдирди. Анын айтымында, Эл аралык КВН Лига союзунун расмий ачылышына карата Бишкекте 31-августта Улуттук филармонияда концерт болот. Орусиядан "Триод жана Диод", "Парапапарам" жана кошуна Казакстан, Тажикстан, Өзбекстан өлкөлөрүнөн командалар келип ойношот. Мындай эл аралык Лиганын Кыргызстанда ачылып жаткандыгынын негизги максаты – элге сапаты жогору тамаша тартуулоо жана аны жайылтуу.