(Башы өткөн сандарда)

Өткөн санда Сезим менен Кундуз алтын саткан дүкөндө жүрүшкөндө Сезим байкатпастан Кундуздун сумкасына алтын чынжырчаны салып койгон эле. Сезимдин бул жоругуна ачуусу келген Кундуз ошол замат телефон чалып жолдошу Эмилди чакырган болчу...

Ролдордо:
Эмил – Кутманбек Кошалиев
Кундуз – Жылдыз Токтомаматова
Сезим – Нуриза Сабыржан кызы

Асхат Субанбеков
star@super.kg

БАЛАНЫ ӨГӨЙ АТАСЫ ЖЕ АПАСЫ МЕНЕН КАНТИП ТААНЫШТЫРУУ КЕРЕК?

1. Экинчи жолу турмушка чыгасызбы же үйлөнөсүзбү, бала бул тууралуу алдын ала сөзсүз кабардар болушу шарт. Баланы психикалык жактан даярдап алып гана бул кадамга баруу керек.
2. Бала менен өгөй атанын же өгөй эненин алгачкы таанышуусу үйдөн сыртта, кафеде, сейил бакта жана башка жайларда болгону туура. Үй бала үчүн менчик аймак болуп саналгандыктан, ал мындан чоочун адамды көрүүнү көп жактыра бербейт. Алардын алгачкы таанышуусу 2 сааттан ашпашы керек. Жаңы таанышканда экөөнү көпкө жалгыз калтырбаңыз. Таанышуунун алдында сүйүктүүңүзгө балаңызды эмне кызыктырарын алдын ала айтып койсоңуз, алардын сүйлөшүүсүнө жеңил болот.
3. Балаңызга сүйүктүү­ңүздү «бул менин сүйүктүүм», «сенин жаңы атаң» же болбосо эми «бул эже мындан ары сенин апаң болот» деп тааныштыруудан качыңыз. Жөн гана «жакын таанышым» же болбосо «досум» деп гана тааныштыруу туура. Балаңыз экөөңүздөр жалгыз калганда ал адам сизге жагарын айтып, келечек пландарыңыз менен ой бөлүшкөнүңүз оң.
4. Жакын адамыңыз менен балаңыздын бат тил табышуусун кааласаңыз, бат-бат чогуу сейилдөөлөрдү уюштуруңуз. Жолугушуу учурунда баланы көңүлдөн сырт калтырбай, чогуу болууга аракеттениңиздер.
5. Баланын көңүлүн алуу үчүн ар кандай белектерди сатып берүү да туура эмес. Анын жашоосуна алдоо, көңүлүн алуу жолу менен эмес, чындыкты айтуу менен кирүү туура. Бул үчүн ага убакыт берүү керек.
6. «Бул байкеңдин чоң машинасы бар» же болбосо «бул эжең сулуу, тамакты жакшы жасайт» деп сүйүктүүңүздү мактап, баланын өз атасын же апасын жамандоодон качыңыз. Бул балага чоң сокку болорун эске алыңыз.

Суроого «ParadisseSun» психологиялык борборунун психологу Гуля Акбутина жооп берди.

Дамира Арстанова
kenesh@super.kg