Кумтөр» алтын-кен ишканасынын вице-президенти Жети-Өгүз РИИБине арыз менен кайрылган. Анын бил­ди­рүү­сүндө, 16-сентябрь түнү белгисиз адамдар компаниянын борбордук кампасына кирип, кабель уурдап кетишкен. Уурдалган кабель 81 метр келген ЗС,1/0 AW-2KV үлгүсүндөгү, наркы 2985 долларга барабар экендиги такталган. Ошол эле күнү ыкчам иликтөө иш-чараларынын натыйжасында изи сууй электе Даркан айылынын 25 жаштагы тургуну А.А. аттуу адам кармалып, андан далил катары уурдалган кабель табылган. Бул боюнча 164-берененин негизинде иш козголуп, иликтөө иштери жүргүзүлүп жатканын облустук ИИБнин басма сөз катчысы Сталбек Усубакунов билдирди.