«Мукаш-Ата» жоопкерчилиги чектелген коому өткөн жылы өрттөнүп кеткен базардын ордуна жаңы базар салууда. Базар 185 орундан туруп, эки кабаттуу болот. Бул тууралуу КРнын Өк­мөтүнүн Курулуш жана аймактык өнүктүрүү мамлекеттик агенттигинин Нарын шаарынын Шаар куруу жана архитектура башкармалыгынын жетекчиси Уланбек Калманбетов билдирди. Анын айтымында, базар бардык талаптарга жооп берет. Объект бүткөн­дө тиешелүү тармактардан атайын комиссия түзүлүп, ал каралып чыккандан кийин гана ишке берилет. Базардын курулушу октябрь айынын соңунда бүтүп калат.