Нарын шаарындагы көп кабаттуу үйлөрдүн тургундары айрым учурларда кир суу ичип жатышканына арызданышат. Айрыкча жаан-чачын болгондо крандан таза суу чыкпай калат. Бул маселенин чын-төгүнүн билүү максатында Нарын шаардык “Суу канал” ишканасынын кызматкерлерине кайрылууну чечтик. Ишкананын башкы инженери Токтобек Байгазиев: “Ишкана 1980-жылдары курулган. Ошол себептүү чыпканын эскилиги жетип, жакшы тазалабай калууда. Азыр өкмөттөн
89 миллион сом бөлүнүп, 2009-жылдан бери жаңы чыпкалоочу аппараттар курулууда. Ноябрь айында ишке киргизилет”,- деди.