Учурда кыргыз ырчыларынан коңшу өлкөлөргө барып жеке концертин бергендер жокко эсе. Жакшы жөрөлгө баштап биздин кара тору ырчыбыз Ильяз Абдыразаков Алматыдагы 1500 орундуу Студенттер Сарайында 9-ноябрда өзүнүн жеке концертин берүүгө даярданып жатат.
Ильязды коштоп бизден «Кыз-Бурак» тобу барса, казактардын «Каспий», «Заман», «Кеңес», «Алия Аюб» топтору, ырчылардан Кайрат Нуртас, Бейбит Корган жана Сакен Майгазиев ("МузАРТ") катышары да маалым болду. Концертти уюштуруу жаатында: «Казакстанда концерт берчү залдын ижарасы эле 6500 доллар, жарык берүү менен үн коштоосуна 8000 доллар экен. Андан сырткары майда-барат сарптоолорду кошкондо бир топ каражатты чапчыды. Кыргыздын аброюн көтөрүп, мыкты деңгээлдеги концерт беребиз деп ишенем»,- дейт Ильяз.