Казактарда учурда кыргыз ырлары мода. Ильяздын ырларын бүтүндөй альбому менен которуп алышты. Эми боордоштор кыргыздын башка ырларын которгонго билек түрө киришиптир. Акылбек Жеменей аттуу казак ырчысы Бек Борбиевдин «Сен дедим», Мирлан Баековдун «Кызыл өрүк» деген ырларын которуп ырдап чыкты. «Жылама, жаным» деген ыры менен популярдуу болгон Гадилбек Жанай «Актриса» деген аталыштагы Өктөм Сапар уулунун ырын казакча ырдаганга жетишиптир. Ал эми Кайрат Нуртастын сахналаш агасы Сырым Исабаев Мирбек Атабековго таасирленген белем, "Алдадың" аттуу ырды ырдап гана тим болбостон, клип да тартып ийди. Эмки кезек кимде?