12-ноябрь күнү Панфилов РИИБинин Кылмыш иликтөө бөлүмүнүн кызматкерлери тарабынан Чалдыбар айылынын жергиликтүү жашоочусу Т.П. аттуу жаран кармалды. Текшерүүгө алганда анын жанынан целлофан баштыкка салынган баңгизаты табылып, колго түшкөн адам аны жеке өзү үчүн сактап жүргөнүн айтып көрсөтмө берди. Бул иш боюнча Панфилов РИИБи КРнын Кылмыш жана жаза кодексинин 246-беренеси (баңгизатын мыйзамсыз сактоо) боюнча кылмыш ишин козгоп, учурда тергөө иштери жүрүүдө.