Жакында жаңы жыл.Жыл соңунда артка кылчайып, баарыбыз өткөн жылга жыйынтык чыгарат эмеспизби. Ошол жыйынтык чыгаруучу маал да келди. «Супер-Инфо» гезити жылдын мыктыларын аныктоого арналган концертке кызуу даярдык көрүп жаткан учуру. Концерттин өзгөчөлүгү, 2 жылдан бери «Супер сулуу» сынагы менен коштолуп келатканында. Баш байге кыштын кыраан чилдесинде экзотикалык жылуу өлкөгө эс алып келүүгө жолдомо. Ошол байге үчүн ат салышып келаткан кыргыздын кымча бел сулууларынын эң чырайлуусун тандоо мезгили келди. 7-8-декабрь күнү Спорт Ордосунда өтчү концертте «Супер сулуу-2012» сынагынын жеңүүчүсү аныкталат.
Сынактын жыйынтыгын чыгарууга чейин дагы бир кадам, сулуулардын бикиничен сүрөттөрү. «Супер сулуу-2012» сынагына катышкан 22 кыздын ичинен финалчылар аныкталып, бийкечтердин бикини менен сүрөтүн сиздерге тартуулайбыз. Эмне үчүн бикини? Ушинтип сүрөткө түшүү кыргыздын кыздарына жарашабы? Бизге ушундай суроолор көп берилет. Биздин бул аракетибиз, сулуулук сынактарына катышып жаткан кыргыз кыздарына дүйнөлүк масштабга чыгууга тажрыйба берүү. Бикиничен чыгуу дүйнөлүк деңгээлдеги сулуулар сынагынын ар биринде негизги тапшырмалардын бири. Эгер Кыргызстандан чыккан сулуу «Дүйнө сулуусу» же «Аалам периси» аталса, анда ар бир кыргыз сыймыктануу менен кол чабары турган иш.
Бул бийкечтер калган өнөрлөрүн сиздер үчүн супер концертте тартуулашмакчы. Кымбат баалуу асыл таштар менен кооздолгон таажы кийип, кыштын чилдесинде экзотикалык өлкөнүн бирине барып эс алып келүү бактысы кимге буюрат, аны чогуу аныктайлы.

– Эмне үчүн дал сен «Супер сулуу -2012» аталышың керек?
– Омар сага көз салып калды дейли...
– Максатыңа жетүү үчүн кандай курмандыкка барасың?

Гүлжамал Бөрүкулова
Адилет Бектуров
star@super.kg