12-декабрда Түркия мамлекеттик телерадио корумунун алдындагы «TRT Avaz» телеканалынын жетекчиси Аднан Сүер «Супер-Инфо» гезитинин редакциясына келип конок болуп кетти. Аны гезиттин президенти Шаиста Шатманова, вице-президенти Айсулуу Алимбекова жана башкы редактору Бурул Исмаилова тосуп алышты.
Аднан мырза «Супер-Инфо» гезити менен кызматташууну күчөтүү тилегин билдирди. «Супер-Инфо» гезити менен бир жылдан бери иштешип келебиз, мындан ары да кызматташтыгыбыз уланат деп ишенем. Кыргыз элин сиздер аркылуу тааныгыбыз келет. Анан, албетте, кыргыз тилин өздөштүрүү үчүн сиздердин гезитти пайдаланам»,- деди Аднан мырза. Алыстан келген коногубуз гезиттин иш процесси, жамааты менен таанышып, жылуу маанайда коштошту.
Кошумчалай кетсек, ушул жылдын жай айларында гезиттин башкы редактору Бурул Исмаилова менен SUPER.KG порталынын оператору Сергек Шатманов аталган каналдын колдоосу менен Түркияда «TRT Avaz» телеканалында тажрыйба алмашып кайтышкан.