Лейлек райондук мамлекеттик администрациясы менен Бүткүл дүйнөлүк азык-түлүк программасынын алкагында Лейлек, Сумбула, Бешкент, Маргун, Кулунду айыл өкмөттөрү боюнча 1720 түтүнгө, башкача айтканда, 8600 адамга 129 тонна ун, 10332 литр май таркатылган. «Мындай жардамдар аз камсыз болгон тургундарга материалдык жана моралдык жардам болууда. Гуманитардык жардамдарды таратууда жергиликтүү өз алдынча башкаруу органдары тарабынан да көмөктөр көрсөтүлүп жатат. Ал эми жогорудагыдай жардамдарды берүү мындан ары да улана бермекчи»,- деп билдирди Лейлек райондук администрациясынын аппарат жетекчиси Эрмек Бахавидинов.