-
2012-жылдын 13-декабрына чейин өлкөдө мамлекеттик чек араны бузган
334 адам кармалды.
-
«Өлкөдөгү жумушсуз жарандарга жылына 7 миллион сом бөлүнөт. Ишсиз жүргөнү тууралуу расмий кайрылган ар бир адам айына 250 сом жөлөкпул ала алат»,- деди Жаштар, эмгек жана иш менен камсыз кылуу министри АЛИЯСБЕК АЛЫМКУЛОВ.
-
«Ар-намыс» фракциясы жыйынга себепсиз 15 мүнөттөн ашык кечигип келген же катышпаган депутаттарына 1000 СОМДОН АЙЫП сала баштайт.
-
Баткен району боюнча ата-энеси мигрант катары чет өлкөдө жүргөн 5996 ӨСПҮРҮМ катталган.
-
Бишкекте жер алууга кезекте турган 10 МИҢДЕЙ АДАМДЫН шаардын башка жерлеринде жер үлүштөрү бар болгондуктан тизмеден чыгарылганын Бишкек шаарынын вице-мэри Төрөбек Имашов билдирди.
-
Депутаттык комиссия САДЫР ЖАПАРОВДУН кол тийбестигин алуу тууралуу Башкы прокуратуранын сунушун колдогон жок.
-
Өлкөдө 2012-жылдын башынан бери СПИДдин айынан 119 АДАМ каза болсо, бруцеллёз менен ооругандардын саны эки эсеге төмөндөгөн.
-
Кыргыз мамлекети эгемендүүлүктү алгандан бери 1 МИЛЛИОНДОЙ жаран мекенинен чет өлкөлөргө чыгып кеткен.
-
Учурда чет өлкөнүн түрмөлөрүндө 2112 МЕКЕНДЕШТЕРИБИЗ жаза мөөнөтүн өтөп жатканын Тышкы иштер министрлиги кабарлады.
-
КСДПнын штабы жайгашкан «Медиа-Форум» имаратына 15-декабрь күнү уурулар кирип, кароолчуну сабап, кеңседен 200 миң сом уурдап чыгып кетишкенин ИИМ билдирди. Аталган имарат президент АЛМАЗБЕК АТАМБАЕВГЕ таандык экендиги белгилүү.
0
