Билесиздерби, теле жаатында иштөө көп түйшүктү, бир эле эмес, көптөгөн кишинин эмгегин талап кылат. Андыктан «ката деген түшүнүк жок болушу керек» деген талап күчтүү. Ошого карабастан, алдастап шашканда төмөнкүдөй каталар орун алып калат.

ХАЛИЛ АЛТЫНОВ
2011-жылы УЕФАнын ЧЛсында орусиялык ЦСКА менен түркиялык «Трабзонспор» командалары беттешкен. Орусиялык телеканалдар даярдаган материалда түрк футболчусу Халил Алтынтоптун фамилиясы өзгөрүп кеткен. Орус туугандар «чыгармачылык» кылып, орус тили менен түрк тилин аралаштырып (азербайжан тили сыяктуу), Халил Алтынов деген жаңы фамилия көрсөтүп чыгышты. Ошондо Халил Алтынтоп түрк эмес, азербайжан улутунан болуп калабы?

БАШКЫ МАШЫКТЫРУУЧУ БОМБАРДИР БОЛГОНДО
Үстүбүздөгү жылда орусиялык ЦСКАнын чабуулчулары жаракатка учурап, бир топ кыйынчылык туудурду. «Россия 2» телеканалы клубду бул кырдаалдан кантип чыгарууну билет. Минтип клубдун башкы машыктыруучусу гол киргизгенин көргөзөт...

БИЛЯЛЕТДИНОВДУН ФАМИЛИЯСЫН ЖАЗУУДАГЫ КАТАЛАР
«90 минут Плюс» деген аталыштагы телеберүү. Конокто советтик жана орусиялык футболчу Ринат Билялетдинов. Эфирде отуруп, кызуу маекке кирип кеткендер көргөн-көрбөгөнү белгисиз, бирок бул телеберүүнү көргөн КМШ өлкөлөрүндөгү спорт сүйүүчүлөрү мындай катага туш болушкан...

РОНАЛДУ КОРГООЧУ...
Мындай катаны европалык телеканалдардын бири кетирген. Футбол сүйүүчүлөрүнө дароо маалым болчу ката төмөнкүчө: Чабуулчу болуп өмүрү коргоочулукта ойноп көрбөгөн португалиялык футболчу Криштиану Роналду коргонуу аянтында орун алган. Ал эми команданын борбордук коргоочусу Бруну Алвес ордун Роналдуга тарттырып, дарбазага туруп калган...

ПОРТУГАЛИЯЛЫК РОББЕН ЖЕ АРЬЕНУШ РОББЕНУШ
«Евро-2012нин» тайпалык баскычындагы Германия-Португалия беттешинин анонсу... Кызык, бул афишада голландиялык футболчу Арьен Роббен португалиялык болуп көрсөтүлүп калган. Же ага Португалиянын формасын кийгизип, португал тилинде Арьенуш Роббенуш деген ат коюш керекпи?

Максат Кудайбердиев
sport@super.kg