Кикбоксчу, кикбокстун W5 версиясы боюнча Дүйнө чемпиону Алексей Федосеев дал ушул чемпиондук курун коргомокчу. Ал 15-февралда Москва шаарында орусиялык Юрий Жуковский менен беттешет. Орусиялык Юрий Жуковский кикбокстун W5 fighter версиясы боюнча 65 килограмм салмакта эл аралык мелдештин жеңүүчүсү. Эске салсак, 63,5 килорамм салмакта мушташып келген Алексей быйыл июнь айында швециялык Мартин Актарды утуп, Дүйнө чемпиону аталган. Бул беттеш менен ал титулун биринчи ирет коргоого аракет көрөт.