Нарын шаарында жаңы мончонун ачылышы болду. Нарын район аралык жылуулук берүү ишканасынын директору, шаардык кеңештин депутаты Улан Айтиевдин билдиргенине караганда, жалпысынан муниципалдык жаңы мончону кайрадан салып чыгууга жергиликтүү өкмөттөн 2 миллион сомго жакын каражат жумшалган. Жуунуучу жай орус жана түрк үлгүсүндөгү ысык буу жана массаж бөлүмүнөн турат. «Буюрса, жаз алды менен бассейн куруп, эс алуучу бөлүмүнө теннис ойноочу залды да кардарларга тартуулайлы деп турабыз»,- дейт ал.