Голливуд актёру Леонардо Ди Каприонун тасма чөйрөсүнөн биротоло кетери тууралуу маалыматтар айтылууда. Мындай кабар, албетте, анын күйөрмандарын капага салды.
Бул тууралуу Лео: «Ооба, кинематографиядан бир аз четтөөнү чечтим. Бирок убактылуу гана. Анткени акыркы эки жылда үч тасмада роль жаратып, абдан чарчаганымды сезип турам. Тасма талаасында жүрө берип, жашоом да кызыксыз болуп бараткандай. Эми чыгармачылыкта бир аз тыныгуу жасап, убактымдын көбүн саякаттоого, эс алууга, жеке жашоого арнасамбы деген оюм бар»,- дейт актёр.