Легендарлуу «Максат-Баткен» тобу Баткен жергесине өз концертин бермекчи. Бул тууралуу аталган топтун жетекчиси Рустам Абдырахманов төмөнкүлөрдү билдирди:
– Баткендин жаштары үчүн 14-февраль – Арзышкандар күнүнө карата, ал эми 15-февралда Ооган согушунун ардагерлерине арналган концертибизди берүү алдында турабыз. Бул концертке «Максат-Баткен» тобунун негизги курамы: Алайбек Абубакиров, Сагынбек Молдоев, мен, жаш ырчы Исабек Максутов жана жергиликтүү ырчылар катышат. Алар да биздин топтун ырларын ырдап, элдин маанайын көтөрүшөт.
Биз алгач топ болуп чыккандан баштап  азыркы күнгө чейинки жаралган ырлар ырдалып, ушул концерт өткөндөн кийин «Максат-Баткен» тобунун 1990-2013-жылдардагы ырлар жыйнагы чыгарылат.