26-мартта Кызыл-Кыяга Ноокат, Кадамжай шаар мэрлери, Араван районунун акими жана бир катар айыл өкмөт башчылары келип жолугушуу өткөрүштү. Жолугушуунун негизги максаты – 1956-жылы курулуп, эскилиги жетип жарактан чыккан төрөткананы калыбына келтирүү маселесин чечүү эле. Мэр жана акимдер 3 ирет сел астында калган төрөткананын мышык ыйлагыдай абалы менен таанышып, маселени марафон өткөрүү жолу менен чечмек болушту. Оорукананын башкы дарыгери Людмила Суглина «негизи, имараттын кыштарын гана калтырып, калган бөлүгүнүн баарын толук оңдоп-түзөөдөн өткөрсө жакшы болмок» деген пикирин айтты.