Кыргызстанда Эл аралык КВН союзунун «Ала-Тоо» деп аталган аймактык лигасы старт алды. Аймактык лиганын президенти «Азия Микс» командасынын капитаны Эльдияр Кененсаров. Лиганын ачылуу салтанаты 3-апрель күнү Александр Масляков кичүүсүнүн катышуусунда өттү. Ошол эле маалда орус тилдүү «Кыргызстан КВН» лигасынын президенти Евгений Акопян: «Биздин лигада өлкөбүздүн башка КВНинде ойногон командалар катыша албайт. Эгер катышса оюндан четтетилет»,- деген билдирүүсүн таратты. Демек, Акопян аймактык лиганы өзүнө атаандаш көрүп, чочулап жатат.