Айрымдар «алма быш, оозума түш» деп өкмөттөн жардам күтүп отурган кезде, чыгаан чыгармачыл жаштар кайрымдуулукту өз колуна алышты. «Салам, Нью-Йорк!» тасмасынын жаратуучулары кыргыздын жигердүү жаштарын колдоо максатында Түркиянын Анкара, Стамбул, Измир сыяктуу чоң шаарларында жашаган мекендештерибизге фильмди тартуулашат. Чогулган каражаттын бардыгы акчага муктаж болгон жөндөмдүү студенттерди колдоого жумшаларын айтат тасманын режиссёру Руслан Акун.