«Ош-тазалык» ишканасынын кызматкери Акылбек Кадырбеков 17-май күнү Ош шаарынын Западный кичи районунда өз ишин аткарып жаткан мезгилде кокустукка кабылды. Күнүнө 15-20 жолбун иттерди аткан Акылбек Кадырбеков бир адамды жаңылыш атып алган.
Бул тууралуу: «Өзүм деле түшүнбөй калдым. Мен итти атып жатканда эч ким жок болчу, ок тийген киши арт жактан келди. Кыязы, жердеги чачыраган таштардан тийген го»,- дейт.Жабырлануучунун каражаттарын өз эсебинен төлөп берген.
Ишкананын башкы инженери Турдали Жоробаев: «Окуя болгон жерге мен да бардым, ок тийген эмес. Сотмедэкспертизанын жыйынтыгы чыкты, тергөө болуп, кызматкерибиз Акылбек Кадырбеков акталып, учурда өз жумушун аткарып жүргөн кези»,- деп билдирди.

Элира Чынтемир кызы
osh@super.kg