Артынан ээрчиген ушактардын агымы тыйылбаган популярдуу ырчы Бритни Спирске төрөөгө тыюу салынды. Дегенибиз, бул кепти врачтар айткан эмес. Ырчы Лас-Вегастагы казинолордун бири менен узак убакытка келишим түзгөн. Келишимде ырчы жок эле дегенде акыркы бир жылда кош бойлуу болбош керек экен. Соңку убакта «ырчы учурдагы сүйүктүүсү Дэвид Лукадодон кош бойлуу» деген кептер тараган эле. Бул өңдүү сөздөрдүн аягы сууду окшойт, сыягы. Дэвидге «кыз төрөп берем» деп сөз берген Бритни эми жигитинен күтө турууну суранып, аны жубатуу үчүн каалаган темир тулпарын же көл жээгинен вилла сатып берүүгө убада бериптир. Кошумчалай кетсек, Бритнинин мурунку никесинен 2 уулу бар.

Лунара Бекиева
star@super.kg