№553 7-июнь-13-июнь, 2013-ж
«Кыргызстандагы азыркы бийлик мамлекетти башкара албай жатат...» Качып Беларуста жүргөн экс-президент Курманбек Бакиев «Интерфакска» берген маегинде ушинтип айтты. «Алмазбек Атамбаев жана анын командасы жаратуучулар эмес»,- деди Бакиев. Анын байкашынча, экономика төмөндөп, коррупция, жумушсуздук өсүп, тышкы карыздар көбөйүп, элдин жашоосу начарлап баратыптыр. Өлкөнүн мындай абалга кептелишине ириде өзүнүн, бир туугандарынын, уулдарынын үлкөн салымы бар экени тууралуу ооз ачпаптыр.
Тескерисинче, «убакыт көрсөткөндөй, мен жана менин уулум кылмышкер эмеспиз. Мезгил келип, бүгүнкү бийлик соттун, элдин алдында Кыргызстанды бүгүнкү абалга алып келгендиги үчүн жооп берет» деп айтыптыр.
Атаң көрү, ушул акылы өзү өлкөнү башкарып турганда кайда эле?! Кыйын экен, жүздөгөн жарандардын бөөдө канынын төгүлүшүнө жеткирбей абалды оңдобойт беле? Беларустун жарандыгын алгандыгын айтып, «мени алып кете албайсыңар, мен башка өлкөнүн жаранымын» деген кыязда салам-дубай жолдоптур.
Гүлмайрам Сабырбекова
politika@super.kg
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..
9
| Маалымат-маанайшат порталы | 2006-2025 © SUPER.KG |
еще, балдарга бекер тамак да Бакиевдин мезгили эле, Камбар-ата 2нин курулушун да Бакиев улантты. ал кетти,баары артка тартылды,базар кымбаттады. ооба,баласын иштетти. ойлосонор, президенттин баласы болгондон кийин чон иште иштейт да анан. ойлосонор силер президент болсонор баланар кандай иште иштемек эле.
еще,