10-июнь күнү Жалал-Абад ОИИБинин мыйзамсыз кирешелерди легалдаштыруу бөлүмүнүн кызматкерлери тарабынан Базар-Коргон районунун Кеңеш айыл округунда жайгашкан «Мүрөк-Суу» ишканасынын кассири К.М. мыйзамсыз иш алып барганы үчүн кармалды. Ал аталган ишкананын таза суу үчүн топтолгон 41 640 сом акча каражатын өз кызыкчылыгына иштетип салган. Жалал-Абад ОИИБинин кызматкерлери текшерүү жүргүзүп жаткан учурда К.М. арызды текшерүүнү токтотууну суранып, милиция кызматкерлерине 10 миң сом сунуштап, пара бергенге аракет кылган. Бул иш боюнча Кылмыш жана жаза кодексинин 310-беренеси менен (паралап сыйлык берүү) иш козголуп, тергөө амалдары жүрүп жатат.

Гүлжан Эшбаева
jalalabad@super.kg